Maxamed Xuseen Rooble ra’iisul wasaarihii hore ee Dowladda Federaalka ayaa sheegay, in Dowladda Federaalka ay wajaheyso xaalad adag, loona baahanyahay iney iskaashadaan mucaaradka iyo muxaafadka, haddii kalena ay dalka la wareegeyso Xarakada Mujaahidiinta Al-Shabaab.
Isagoo dib ugu soo laabtay magaalada Muqdisho ee caasimadda Soomaaliya, ayuu sheegay Rooble in marka laga yimaado gobolka Shabeellaha Dhexe oo dagaallo adag ka socdaan, laga cabsi qabo in gobollo kalana ay ka billowdaan dagaallo waaweyn oo ay soo qaado Xarakada Mujaahidiinta Al-Shabaab.